Қазақ тілі «Туған жер-алтын бесік» 5 сынып

Мақсаты:
1.Қазақстан Республикасы туралы білетін білімдерін қолдана отырып, қалалары туралы сөйлесу, Өскемен, Зырян қаласы туралы мәтіндермен жұмыс жүргізу, тақырыпты қайталауға байланысты тапсырмалар орындату.
2.Отансүйгіштікке, елжандылыққа шақыру, тәрбиелеу.
3.Ауызша дұрыс сөйлеу, сауатты жазу дағдыларын дамыту, ауызекі сөйлеу қабілеттерін дамыту.
Сабақтың түрі: Аралас сабақ
Әдіс- тәсілдер: сұрақ- жауап, практикалық, сөйлесу, ойландыру, көрнекілік
Технологиялар: дамыта оқыту технологиясы, модульдік технология элементтері
Көрнекіліктер: слаидтар, бағалау парағы, киіз үй
Сабақтың барысы:
І Ұйымдастыру кезеңі
Тіл жаттықтыру:
ІІ Үй тапсырмасын тексеру.
-Балалар, біз сендермен қай модульді өтіп жатырмыз. «Менің- Отаным»
Отан сөзіне тағы қандай синонимдерді қолдануғаболады?
Отан- туған жер- атамекен
Ия, балалар, бұлар біртұтас ұғы - Сонымен біздің Отанымыз қалай аталады?
- Қазақстан қандай мемлекет?
Сендерге үйге қандай тапсырма берілді?
І топ: «Менің Отаным» тақырыбына сөйлесу құрастыру
ІІ топ « Қазақстан табиғаты» тақырыбына сөйлесу құрастыру
Жақсы, балалар, барлықтарың сөйлесуді жақсы құрап келдіңдер деп ойлаймын.
Енді осы Қазақстан Республикасы туралы кім өз ойын толық айтып береді
Жақсы, балалар, біз сендермен Қазақстан туралы ауызша қайталап өттік, енді сендердің жазбаша сауаттылықтарыңды тексеру мақсатында сөздік диктантын өткізіп жіберейік.
Халық, рәміз, тәуелсіз, үлкен, табиғат, кең, ұлт өкілдері, өндіріс, өзен.
Бір- бірлеріңді тексеріп, бағалайсыңдар
ІІІ Жаңа сабаққа дайындық кезеңі
Сонымен, балалар, өткен сабақты толық қайталап өттік. Бүгін осы «Менің Отаным» модулін жалғастырамыз. Бүгін сабақта Қазақстан қалалары, оның ішінде Өскемен, Зырян қалалары туралы сөйлесіп, түрлі тапсырмалар орындаймыз.
Тапсырмаларға көшпес бұрын мынандай сұрақтарға жауап берейік:
-Қазақстанның қандай үлкен қалаларын білесіңдер?
-Қазақстанның бас қаласы қай қала?
-Астана қандай қала?
Астана қаласы туралы бізге қазір Настя әңгімелеп береді.
ІV Жаңа сабақ
Енді жаңа сабағымызға көшейік
Келесі тапсырмаларды орындау үшін біз мына киіз үйлерді қолданамыз. Ол үшін ең алдымен киіз үй деген не?
Бізге «Киіз үй» туралы бір оқушы әңгімелеп береді.
Жақсы, балалар, енді киіз үйлердің тапсырмасына көшейік
№1 киіз үйдің тапсырмасы: Мәтінмен жұмыс. Мәтін «Өскемен қаласы» деп аталады.
-Өскемен қай облыстың орталығы?
Жаңа сөздермен жұмыс ( 1 оқушыға оқыту)
Мәтінді оқыту, аударту, сұрақтар қою
№2 киіз үйдің тапсырмасы:
Грамматикалық тапсырма:
І топ : Мәтіннен тәуелдік жалғаулы сөздерді теріп жазады
ІІ топ : «қала» сөзін жекеше, көпше түрде тәуелдейді
№3 киіз үйдің тапсырмасы: Өз қалаң туралы не білесіңдер?
-Біз қай қалада тұрамыз?
-Біздің қала қандай?
1 оқушы қала туралы әңгімелеп береді
№4 киіз үйдің тапсырмасы:
Мақал- мәтелдермен жұмыс: Берілген мақал- мәтелдердегі суреттің орнына сөздерді қойып толықтыру, өздері білетін мақалдарды айтқызу.
№5 киіз үйдің тапсырмасы:
« Бір сөзден көп сөз» деп аталады. Берілген сөзден кім көп сөз құрайды?
Енді осы Отан, Қазақстан туралы қандай өлеңдер білесіңдер?
V Бекіту
Осымен барлық киіз үйлердің тапсырмаларын орындап біттік. Енді сабағымызды бекіте отырып мына тест сұрақтарына жауап береміз
10 сұрақ
Бірін- бірі тексереді, бағалайды.
VІ Қорытынды
Осымен балалар
Жақсы оқып мектепте,
Үнемі алда жүріңдер
Еңбектеніп талпынып,
Отанды қорғай біліңдер!
деп сабағымызды аяқтаймыз.
VІІ Бағалау
Бағалау парағына өз бағаларыңды қойыңдар, мен өз бағамды қойып қорытынды баға шығарамыз.
VІІІ Үйге тапсырма
І топ: Өскемен қаласы туралы қосымша мәліметтер жинастыру
ІІ топ: «Туған жер- алтын бесік» тақырыбына шағын шығарма жазу
Сабақтың өзіндік талдауы
Сабақ 5М сыныбында өткізілді. Бұл сынып биылғы оқу жылында ашылған математикалық сынып болып саналады. Бұл сыныпта оқушыладың көпшілігі «4,5»-ке оқиды. Топта барлығы 12оқушы. Қазақ тілінен білім сапасы 65% үгерім деңгейі 100%құрайды. Жалпы алғанда оқушылардың пән бойынша білім сапасы қанағаттанарлық, пәнге деген қызығушылықтары, белсенділіктері жоғары деп айтуға болады.
Сабақтың тақырыбы: «Менің Отаным» модулі, соның ішінде Қазақстан қалалары, Өскемен қаласы.
Мақсаты:
1.Қазақстан Республикасы туралы білетін білімдерін қолдана отырып, қалалары туралы сөйлесу, Өскемен, Зырян қаласы туралы мәтіндермен жұмыс жүргізу, тақырыпты қайталауға байланысты тапсырмалар орындату.
2.Отансүйгіштікке, елжандылыққа шақыру, тәрбиелеу.
3.Ауызша дұрыс сөйлеу, сауатты жазу дағдыларын дамыту, ауызекі сөйлеу қабілеттерін дамыту.
Сабақтың түрі: Аралас сабақ
Әдіс- тәсілдер: сұрақ- жауап, практикалық, сөйлесу, ойландыру, көрнекілік
топтық, жұптық жұмыстар
Технология элементтері : дамыта оқыту технологиясы, модульдік технология элементтері
Көрнекіліктер: слаидтар, бағалау парағы, киіз үй
Пәнаралық байланыс: орыс тілі, қазақ тілі
І кезең: Ұйымдастыру кезеңі
Оқушылардың сабаққа ынталарын аударту, тілдерін жаттықтыру үшін сәлемдесуге арналған өлеңмен, кезекшілер есебі. Қазақ тілі туралы сұрақтарға жауап бергіздім
ІІ кезең: Үй тапсырмасын тексеру кезеңі
Бұл кезеңде оқушылардың тақырып бойынша білімдерін тексеру, оқушылардың әңгімелеу, мазмұндау қабілеттерін, тілдерін дамыту мақсатында жұптық, жекелей жұмыстар жүргізілді.
Сауаттылықтарын тексеру мақсатында сөздік диктанты өткізіліп, бірін-бірі тексеріп, білімдерін бағалады.
ІІІ кезең Жаңа сабаққа дайындық кезеңі
Сұрақ-жауап, әңгімелеу, көрнекілік әдістерін қолдана отырып, оқушылардың тақырып бойынша білетін білімдерін пайдаланып жаңа сабаққа көшуге дайындалу
ІV кезең Жаңа сабақ
Мәтінмен жұмыс істей білу қабілеттерін дамыту, жаңа сабақты меңгерту кезеңінде де оқушыларға алдын ала берілген тапсырмалар, білімдері пайдаланылады.
Грамматикалық тақырыпты қайталауға байланысты тапсырмалар орындалады.
Оқушылардың шығармашылық қабілеттерін дамытуда мақал-мәтелдермен жұмыс жүргізілді және бір сөзден көп сөз құрату сияқты тапсырмалар орындалды.
V кезең Бекіту кезеңі
Сабақты бекітуге байланысты тест тапсырмалары орындалып, оқушылар бірін-бірі тексереді.
Бұл кезеңде оқушылардың еске түсіру, ойлану, бірін-бірі бағалай білу сияқты қабілеттері дамыды.
VІ кезең Қорытынды
Сабақты «Бәрін білдім» атты ойынмен қорытындылау

Өзімнің қорытынды сөзіммен аяқтау
VІІ кезең Бағалау Оқушылардың бағасы және мұғалім бағасынанқорытынды баға шығару
VІІ кезең Үйге тапcырма