Математика 5 сынып. Сабақтың тақырыбы: Ондық бөлшектерді көбейтуге есептер шығару.

Сабақтың білімдік мақсаты:

Ондық бөлшектерді көбейте  білу дағдыларын жетілдіру.

Дамытушылық мақсаты:

Іскерліктерін, өз бетімен  еңбектену, және оқушылардың білім дағдыларын  дамыту.

Тәрбиелік мақсаты:

Оқушыларды ұқыптылыққа, табандылыққа баулу, жауапкершілікке сезіне білуге үйрету, адамгершілік сезімін қалыптастыру.

Сабақтың типі:

Есеп шығару сабағы.

Сабақтың түрі:

«Математикалық поезд» атты ойын сабағы.

Көрнекілігі:

Ойынды жүргізу схемасы, касса, тест, ауызша есептер кестесі, вагон билеттері.

Сабақтың барысы:

 «Математикалық поезд» ойынының шарты:

«Мектеп - Атамекен» маршруты бойынша  сапарға шығу. Схемасы  көрсетіледі.

 Поездға отыру үшін  сыныпқа өз беттерімен орындауға тапсырма беріледі. Тез орындаған 2 оқушы кассаға отырып, кассир болады. Қалған оқушылардың жұмыстарын тексереді де, поездың әр вагонына  сәйкесінше  «5» -  алса купеге, «4» - алса плацкартқа, «3» - алса жалпы вагондарына билет (жетондар) алады. Купеге  қызыл, плацкартқа жасыл, жалпыға  сары жетон.

 Тапсырма беріледі.

Есепті шығарған алғашқы 6 оқушы  купеге, одан кейінгі 6 оқушы плацкартқа, соңғы 6 оқушы  жалпы вагонға отырады. Үлгермеген  оқушылар  поездға  отырмайды, яғни  сабаққа қатысып отырады.

«Аудан» станциясында шығарылатын есепті  тақтаға  2 оқушыға шығарады.

Келесі «Көлем»  станциясына жету үшін шығарылатын есеп беріледі..