Қазақ тілі 8 сынып. Сабақтың тақырыбы: Фаст-фуд- денсаулықтың дұшпаны.

Мақсаты:
1. Білімділік: Есімше, оның негізгі ерекшелігін еске түсіре отырып, есімшенің жасалуы, түрлері туралы түсінік беру, әрбір жұрнақ түрлерінің шаққа қатысын меңгерту, мәтіндерден есімшелерді құрамына талдай білуге дағдыландыру;
2. Дамытушылық: оқушыларға жаттығулар орындату арқылы ізденімпаздық қасиеттерін дамыту, шығармашылыққа баулу, танымдылық белсенділігін арттыру, алған білімі негізінде ойлау қабілетін дамыту, ауызекі сөйлеу тілін дамыту;
3. Тәрбиелік: оқушыларды дұрыс тамақтануға, денсаулықтарын күтуге,оны нығайтуға, тиімді қарым-қатынас жасауға тәрбиелеу.
Әдісі: сұрақ - жауап, түсіндіру, талдау, салыстыру, жинақтау.
Көрнекілігі: Интерактивті тақта, презентация, бейне хат.
Пәнаралық байланыс: биология
Стратегиялары: топтастыру, проблемамен саудалас, бес жолды стратегиялары.
Сабақ түрі: аралас сабақ.
Сабақтың барысы:
І. Ұйымдастыру кезеңі.
Дұрыс атмосфера.
-Сәлеметсіздер ме ,балалар. Бүгінгі біздің сабағымыз ерекше сабақ.Себебі, біздің сабағымызға қонақтар қатысып отыр. Ендеше ,балалар , мен сендерге бүгінгі сабақта жақсылық тілеймін. Сендер маған не тілейсіңдер?
-Балалар, сендер қандай балаларсыңдар? Ендеше алдарыңда жатқан қағаздарға өздеріңнің қандай балалар екендеріңді жазыңдар.
-Бәрімізге сәттілік тілеймін, сабағымызды бастайық.
- Бүгінгі сабақтың ұраны: «Денсаулық- зор байлық».
Мақсат қою. Сабақтың мақсатын айқындау.
Бүгін сабақта дұрыс тамақтану туралы мәліметтер аламыз. Мынау зымыраған заманда көп нәрсеге көңіл бөлінбейді,немесе уақыт жетіспей жатады.Соның ішінде дұрыс тамақтану мәдениеті туралы айтылады.
ІІ. Жаңа сабақ.
«Мағынаны тану».
Презентация арқылы фаст-фуд туралы мәлімет беру.
Проблемамен саудалас стратегиясы.
Бейне хатты тыңдау. Оқушылар екі топқа бөлініп фаст-фудтың пайдасы мен зияны туралы өз пікірлерін айтады.
ІІІ. Үй жұмысын тексеру.
1 топ. Көп нүктенің орнына қажетті әріптерді қойып, есімшелерді анықтау.
Көңілін атқарып сап,
Ашылмаған мақтаға ұқсап.
Даланың маржаны ма,
Шашылған ақ бауырсақ.
Ей, менің асқар тауым-
Қазақы дастарқаным!
Өзіңсің ырыс, қуатым,
Бақытым, бастауларым!
2 топ. Дастарқан баталарын жатқа айту.

Жазбаша жұмыс.
1 топ. Мәтіннен есімшелерді теріп жазу- зымыраған, аударғанда, дайындалған, білдіретінін, білетін, жейтін, дайындалатын, сатылатын, кептірілген, екенін, көптеген, салған.
2 топ.
2 топ. Есімшені тәуелдеу- білетін, аударған, дайындаған, жейтін.
З топ. Мәтінді орыс тіліне аудару.
Қазіргі таңда тез дайындалатын тағамдар өркендеуде. Тез дайындалатын тағамдарға жатады: гамбургер, шаурма, хот-дог, чипсы, қуырылған картоп, тәтті газдалған сусындар, т.б.
Диетолог-дәрігерлер семіздікке апаратын «қауіпті» тағамдарды атап өтті. Бірінші орында тәт¬ті газды сусындар тұр. Үлкен-кіші құмарланып ішетін бір стакан ко¬ланың өзінде 5 шай қасық қант бар, ал бір литр колада 25 шай қасық немесе 125 грамм қант болады екен. Сол сияқты картоптан жасалған чипсыларды бала жақсы көреді. Бұлар пюреден жасалғандықтан, оның құрамына жасанды май мен жасанды түрлі дәмдеуіштер қосылады. Қуырылған семіз ет, кофе, шоколадтар, арзан әрі калориясы көп кондитер өнімдері де адамды семіздікке апарып тірейді.
Адамның денсаулығы үшін тиімді тамақтана білу өте маңызды. Тиімді тамақтану дегеніміз – құрамында түрлі қоректік заттардың толық мөлшері бар тамақпен ағзаны дұрыс, уақтылы қамтамасыз ету.
4 топ. Мәтін бойынша сұрақ қою.
Сергіту сәті.
Жұптық жұмыс.
Төмендегі ұйқас түрлерін қатыстыра отырып, өлең құрастыру.
…. …. …….. барған,
….. …. ……..тойған.
…… …. …. жеген,
. …. . ……..ішкен.
1 тап. 100 бет. Әр жұпқа 2 есімшеден. Сөйлем құру.
ІІІІ. «Ой толғаныс».
Бес жолды өлең стратегиясы.
1 топ.
1 жол. Зат есім.
2 жол. Екі сын есім.
3 жол. Үш етістік
4 жол. Төрт сөзден тұратын сөйлем.
5 жол. Бірінші жолдағы зат есімге синоним. /тағам/
Бекіту. Есімше дегеніміз не?
Есімшелер қалай жасалады?
Есімшелер қалай түрлене алады?
Фаст фудқа не жатады?
Фаст фудтың зияны неде?
Рефлексия. «Мен ризамын». Әр оқушы өзіне ұнаған оқушыға ризашылығын білдіреді.
Бағалау. Әр топтың спикері оқушыларды бағалайды.
Үйге тапсырма. 2 тапсырма 100 бет. Есімшелерге тиісті есімдіктерді қойып жазу.