Дүниетану "Үйдегі қауіпсіздік сақтау тәртібі"

Сабақтың мақсаты: Оқушыларға тақырыпты меңгерту.
а) оқушыларға үйдегі қауіпті заттармен, қауіпсіздік жағдайлармен таныстыру және олардан сақтана білуге үйрету.
ә) оқушылардың адамгершілік қасиеттерінің дамуына жағдай жасау, сөздік қорын, ой - өрісін дамыту.
б) отбасы қамқорлығымен қатар өз басын дұрыс ұстап жүруге тәрбиелеу.
Сабақтың түрі: Аралас сабақ
Сабақтың әдісі: Сұрақ - жауап, түсіндіру
Көрнекілігі: интерактивті тақта, слайд, жұмбақтар, мазмұнды суреттер, 101, 102, 103, 104 телефондары жазылған карточкалар.

Сабақтың барысы:
I. Ұйымдастыру бөлімі.
- Балалар мен амандасу, оқушылардың назарын сабаққа аудару. - Біз қай сабаққа дайынбыз? Бір - бірімізге қарап сәттілік тілейміз.
Психологиялық дайындық
Қайырлы күн деп айтамыз,
Түсте бірге қайтамыз.
Отбасының гүліміз,
Бірге өтер күніміз.
Сыныбымыз тап - таза,
Борда дайын тақтада.
Ойымызды жинақтап,
Отырайық партаға.
Сыныпты 3 топқа бөлу: 101-өрт сөндіруші,102-полиция,103-жедел жәрдем.

II - Үй тапсырмасын тексеру
а) мекен - жайларын сұрау
ә) өз бөлмелері туралы әңгімелеу
б) үйде қандай жұмыстарды атқарасыңдар, т. б?

Қызығушылығын ояту
Жұмбақтарды шешу
Салып ем шыны сарайды
Тілінен жарық тарайды.(шам)

Тоққа тисе мұрты ұзын,
Табанымен жазық.
Киімдердің қыртысын,
Береді тез жазып. (үтік)

III Жаңа сабақты түсіндіру
Топтарға тапсырмалар беру: Жазылған сөздер бойынша суретін не ауызша әңгімелерін дайындау. «Дөңгелек үстел» әдісі.
1 топ.( 01) Электр тоғы
2 топ.(02) От
3.топ.(03) Улы заттар.
Сергіту сәті
Табиғатым тамаша,
Көз тоймайды қараса.
Табиғатты қорғаймыз,
Жаман бала болмаймыз.

Оқулықпен жұмыс.
- мәтінді оқу
- мазмұнын айтқызу
- талдау жасату

- Оқулықтағы суреттерге мұқият қараймыз. Қандай қауіпті көріністер бейнеленген? Осы қауіпті жағдайларды болдырмас үшін не істеу керек?
- Сонымен бірге сол суреттерге байланысты берілген мәтіндер бойынша мәтіндер оқылып, талқыланады.
- Дәптермен жұмыс.
«Қауіпті жағдай» өз ойларын еркін жеткізу. Балалардың пікірін тыңдау.
Үйдегі қауіпті заттар слайд

Рефлексия:
- Балалар, біздер бүгін қандай ережелермен таныстық?
- Күнделікті көріп жүрген не үшін қауіпті болады?

Венн диаграммасы
Бағалау.
Үйге тапсырма: мәтінді түсініп оқу, қауіпті заттарға 2 мақал жазып жаттап келу.