Менің отбасым. 3-сынып

Сабақ тақырыбы:Менің отбасым.
Сабақтың мақсаты:отбасы мүшелері атауларын қайталау.
Отбасы туралы әңгімелей алуға үйрету..
Пәндік:отбасы мүшелерінің атын,жасын айта алу;ақылды,әдемі,көнілді,күшті деген сөздерді отбасы мүшелеріне қатысты орынды қолдана алу.Сан есімдерді меңгерту.
Тұлғалық:отбасы мүшелерін құрметтеу,үлкенді сыйлау,кішіге қамқор болу.
Жүйелік-әрекеттік:сабақ барысында меңгерген белсенді сөздік қор мен қарапайым үлгі құрылымдары өзіне таныс өмірлік жағдаяттарға орынды қолдана алу.
Сабақ барысы:
I.Ұйымдастыру кезеңі.
Амандасу.Кезекшімен сұрақ-жауап құру.
Оқушылардың сабаққа дайынығын тексеру.
Оқушылардың көңілін сабаққа аударуды ұйымдастыру.
II.Оқушыларды пән мақсатымен таныстыру,тіл үйреніге деген қызығушылықтарын ояту.
III.Жаңа сабақ.1-тапсырмадағы ата,әже,әке,ана,аға,әпке,іні,қарындас(сіңілі) деген сөздерді хормен және жеке-жеке қайталату арқылы отбасы мүшелері атауларын еске түсіру.Берілген сөздер қатарынан карындас/ сіңілі сөздерінің айырмашылығына назар аудару,бұл сөздерді орынды қолдану ерекшеліктерін еске түсіру. Оны сурет арқылы немесе балалардың аты арқылы түсіндіруге болады:
Қайрат(10жаста) (қарындасы) Әлия(8жаста),
Анар (10жаста) (сіңлісі) Інжу(8жаста).
2-тапсырмадағы сурет арқылы оқушылар отбасы деген сөзді еске түсіреді.Бұл сөз хормен және жеке-жеке бірнеше рет қайталанады.Оқушылар суреттегі отбасында неше адам бар екенін айтады.Ұл баланың атынан сөйлемдерді толықтырып оқиды.Бұл-менің отбасым.Отбасымда төрт адам бар.Олар:әкем,анам,қарындасым және мен. Бұл тапсырмада қарындас сөзінің дұрыс қолданылуына назар аударылады. Сондай-ақ әр оқушы осы үлгіде өз отбасы туралы айтады.3-тапсырмада оқушылар«Бұл-менің әкем.Менің әкемнің аты-Сабыр.Ол күшті» деген сөйлем үлгілерімен танысады.Бұл үлгі «Есте сақта!» айдары арқылы түсіндіріледі. 4-тапсырма-да «Менің әкемнің аты ....» деген сөйлем үлгісі кесте арқылы бекітіе түседі.Оқушылар өз отбасы мүшелерінің атын айтып үйренді.5-тапсырмада оқушылар сөйлесу үлгісімен танысады. Сабақ бойы өткендерін жинақтап қолдануға жаттығады.6-тапсырмада оқушылар «Сен неше жастасың?» деген сұрақтың «Сен нешедесің?» деген нұсқасымен танысады.
Сұраққа жауап беру формасы«Есте сақта!» айдары арқылы түсіндіріледі.
IV.Жұмыс дәптеріндегі тапсырмаларды орындау арқылы оқушылар
оқулықтағы лексика-грамматикалық тапсырмаларды бекіте түседі.
V. Сергіту сәтін өткізу,жаңылтпашты жаттату.
Шеше, шеше,
Неше кесе сынды кеше?
VI.Үй жұмысын беру,жаңа сөздерді жаттату.
Сабақтың тәрбиелік мақсатын еркін әңгімелеу арқылы жүзеге асыру,
пәнге қызығушылық ояту.
Рефлексия: көңіл-күйді білдіретін смайликтерді таңдап, тақтаға жапсыру.
VII.Бағалау,қоштасу.