9 санын қосу және азайту.

56 Сабақ

 

Сабақ тақырыбы: 9 санын қосу және азайту.

Сабақ мақсаты: Ондықтан аттап 9 санын қосу мен азайту әдістерімен таныстыру.

 

Сабақ  міндеттері:

Білімділік: 9-ды қосу мен азайту тәсілін түсіндіре отырып орындауға жетелеу,екі амалмен шығарылған есепті шығаруға төселдіру.

Дамытушылық: Оқушылардың ой белсенділіктерін арттыру.

Тәрбиелік: Оқушыларды нақтылық пен тиянақтылыққа тәрбиелеу.

 

Сабақ типі: аралас сабақ

Сабақ әдіс-тәсілдері: түсіндіру,ауызша есептеу,талдау,өз бетінше жұмыс

Сабақ көрнекілігі: жолақшалар,оқулық,кесте

 

                                                Сабақ барысы:

Алғашқы ұйымдастыру.

1-кезең.Бағдарлау-мотивациялық кезең.

   . Психологиялық сәт.

     Шырылдады қоңырау,

     Біз сабақты бастаймыз.

     Партамызға отырып,

    Өзара көз тастаймыз.

     Табыс тілеп көзбенен -

      Жаңа білім алуға

      Алға қадам аттаймыз.

- Бүгінгі сабағымыздың тақырыбы "9 санын қосу және азайту ".Біз тоғыз өткелден

өтіп,білімізді көрсетейік.

 

2.Операциялық-орындаушылық кезең.

1 - өткел. " Қайталау - білім анасы".

№ 3.Үй тапсырмасын шарты мен шешуін жеке тексеру.Түсіндіре отырып орындату.

. Ауызша шығару.

8+8                  7+7              6+6                     8+6   

9+8                  8+7              7+6                     9+6

 

2 - өткел. "Білімді өрге жүзеді"

. Жаңа білім

(Жеке шаршылардың онынан құрастырылған жолақшаны ондықтың баламасы ретінде

қолданамыз.Әр шаршы жекелеген бірліктерді білдіреді.Бір жолақша және сегіз жеке шаршы - бір ондық және сегіз бірлікті,яғни он сегіз санын білдіреді.)

 

                              9+9 = 18                                       18-9 = 9

                           (9+1)+8 = 18                                (18-9)-1 = 9

 

3 - өткел. "Білгің келсе,тауып көр".

№1.Өрнекті жаз және мәнін тап.

(9+1)+8 = 18

(18-8)-1 = 9

 

4 - өткел. "Қасиетті ұғымдар"

9 саны: қателіктер мен кемшіліктер бірлестігі.9 санының қасиетіне тоқталсақ,ана

құрсағындағы нәресте тоғыз ай,тоғыз күн өсіп жетіледі.Бұл сан адамның ғұмырында

пайдаболып,жарық дүниеге келетінге дейінгі уақыт өлшемі.9 өмірге адамды әкеледі.Ол үш үштіктен құралған.Көшпенділер 9 санын болмыстың шыңы деп санаған,олардың салт-

дәстүрлері мен наным-сенімдерінде тоғыз саны қасиетті болып есептелінген.(тоғыз

шелпек,тоғыз құмалақ,қалың малға үш тоғыз,т.б.)

 

5-өткел. "Мағынаны таныту"

 №2.

Марғұлан - 10 к.

Арман - сонша

Барлығы - ?

Шешуі:10+10 = 20

Жауабы: Екеуі барлығы 20 кітап сатып алды.

 

6-өткел. "Ойлана біл!"

№3.

Бар еді - 9

Сыйлады - 9

Қалды - ?

Шешуі: 9-9 = 0

Жауабы: Қаламқаста 0 диск қалды.

 

 

 Сергіту сәті

Бір - иілеміз,шалқайамыз,

Екі - алақанды үш соғамыз.

Басымызды үш изеп,

Төрт дегенде қол созамыз.

Бес,алты дегенде

Орнымызға отырамыз.

 

7-өткел. "Бірлік бар жерде ,тірлік бар" - жұптық жұмыс

№4

Сатып алды - 20 және тағы сонша

Берді - 50 тг.

Алуы керек - ?

Шешуі: 50-(20+20) = 10

Жауабы: Ол 10 теңге қайтарып алуы керек.

 

8-өткел. "Ойлан,тап" - өз бетінше жұмыс.

№6

7+6  =13          13-6  = 7

17+6=23          23-6  = 17

27+6=33          33-6  = 27

37+6 = 43        43-6 =  37

47+6 = 53        53-6  = 47

57+6=  63        63-6   =57

67+6 = 73        73-6=   67

77+6 =83         83-6  = 77

87+6 = 93        93-6  = 87

 

9-өткел. "Сөз құрастыр" ойыны

14-9      12-6      13-5      6+5      7+5      8+5      9+7

 5      6      7      11      12      13      16

 Қ     О     Қ      И       Қ      А        З

 

3.Рефлексиялық-бағалау кезеңі.

 - Міне,біз де барлық өткелден өтіп,берілген тапсырмаларды толығымен орындадық.

- Біз бүгін сабақта немен таныстық?

- Сабақта жаңадан нені білдіңдер?

 

4.Үйге тапсырма. №5.