Қазақ әдебиеті "Даналар шығармашылығындағы үндестік" 8 сынып

Сабақтың мақсаты:
а) Ахмет Йассауи,Әл-Фараби,Абай шығармашылықтарындағы өмірді жырлаудағы ұқсастығын зерделей отырып,адам баласына берілген «қысқа ғұмырда» мейілінше мағыналы,маңызды етіп,қанағат-рақыммен ізгі істер жасаумен өткізу керек екендігіне көз жеткізу;
Ә)білімділік танымын,шығармашылығық қабілетін,тілдік қорын,ізденістерін арттыру,
Б) өмір сүруге,өмірге ғашық болуға,рухани бай болуға,еңбексүйгіштікке,ұқыптылыққа тәрбиелеу;
Сабақ түрі; аралас сабақ
Қолданылған әдіс-тәсілдер; сұрақ-жауап,баяндау,пікір-ой айту,философиялық көзқарас ұшқынын көрсету,тіл өнерін мейлінше көркем көрсете білу;
Көрнекіліктер;интерактивті тақта,әдеби кітаптар,суреттер,кеспе қағаздар т.б.
Пәнаралық байланыс; тарих,орыс тілі,ағылшын тілі,музыка;
Сабақ барысы.
Ұйымдастыру кезеңі.
Оқушылармен амандасу,ізгі тілек тілеу,оқушыларға өз лебіздерін айтқызу,сыныптың тазалығына көңіл бөлу;
Оқушылардың зейінін сабаққа аудару.
Үй тапсырмасын пысықтау:
Интерактивті тақта бойынша слайдтардан Әл-Фараби,Яссауи,Абай сынды ғұламалардың суреттері көрсетіледі және әрқайсысының астында өздерінің қалам туындылары.Әл-
Фараби суретінің соңында:
Бауырым,қанша сүйгенмен,
Өтеді өмір күйбеңмен.
Шындыққа бас тік алаулап,
Пенделіктен бол аулақ.
Қожа Ахмет Йассауидің суреті,өлең жолдары.
Ұлы Абайдың суреті,өлең жолдары:
...Махаббатпен жаратқан адамзатты,
Сен де сол ананы жаннан тәтті.
Адамзаттың бәрін сүй бауырым деп,
Және хақ жолы осы деп әділетті...
Даналар шығармашылығындағы «өмір»туралы толғаныс,ізгі ойлар туралы оқушылардың өз ойларын ортаға салдыру,яғни айтқызу.Бірінен кейін бірі кезекпен өз ой толғайды,жырлардан үзінділер оқиды қосымша өз ойларын ортаға салады.
Әл-Фараби және Абай дүниетанымының сабақтастығы ұштастыра осы заманғы қаламгерлердің мір туралы» философиялық жырлары оқылады,талданады.(оқушылар көмегімен)
«Жан азығы-рухани байлықтың» бүгінгі таңдағы құны және ол неге арзандап кетті?
Портрет (пәлсапалық натюрмор) көрсетіледі және оны оқушылар ой-талқыға салады.Өмірге қанаттану,әдемілік,сезім сырлары туралы пікірлер алмасады.
Кітаппен жұмыс: Даналар шығармашылығынан үзінділер оқылады.
Білімді бекіту: қайталау сабағы бойынша даналар құндылықтарын нәр алдыра отырып өмірге серпіліс,құлшыныс беру,оптимистік көзқарастарын қалыптастыру.
Бағалау: Білімділік,сөз саптау,философиялық топшылау сияқты оқушы қасиеттеріне қарай әр оқушы бағаланады.
Үйге тапсырма: «Өмір,сен қымбатсың маған» атты тақырыпта ой-толғау жазып келу.
Қоштасу.