Главное меню

  • К списку уроков
«Қош бол, сүйікті әліппе» ертеңгілігі
15.01.2015 1697 463 Бекмурзина Токслу Акатаевна

Өткізілетін жері: Акт залы
Мақсаты : оқушыларға өздерінің аяқтаған әліппе оқулығының маңыздылығын түсіндіру. Шығармашылық қабілеттерін дамыту. Білім алуға деген құштарлықтарын тәрбиелеу.
Музыка ойнап тұрады. Сахнаға хан мен оның кішкене қызы шығады.
Айбын Уа, халайық! Армысың,
Ағайын туған, бармысың
Жарлығымды тыңдаңдар,
Босқа қарап қалмаңдар
Мен сендерге сенемін
Қызымды мектепке апарғанға
Ат басындай алтын беремін
НАРҒЫЗ Қызы: Жоқ, әке
Бұл не дегенің?
Оқымай-ақ мен бәрін білемін
Сабақ, оқу, әріп, жазу
Дәптер, кітап – ол не керек?
Ол не береді?
Мен сұлумын, ханшамын
Тәтті қыздың бірімін
Оқуыңа өзің бар,
Керек емес білімің
МЕЙРАМБЕК Тазша бала: Уа, тақсыр, армысыз,
Ханшайымда бармысыз,
Жақсы хабарым бар, 1 сыныптың оқушылары, Әліппемен қоштасу тойын тойлап жатыр, соны көріп ханшаның пікірі өзгерер, қонаққа барып көрелік.
АЙБЫН Хан: Ойбай, қызыма көмегі тисе, жүр, түс алға!
НАРҒЫЗ Ханша: барсақ, баралық, көрсек, көрелік!
АЙБЫН Так, так, так
Бәрін бері қара.
Бүгін бізде
Болмақ қандай шара?
ДИАР Тағзым етем, тақсырым,
Айтайын мен жан сырын
Естідім ұзынқұлақтан
1 сыныптар Келеді бүгін ертекке,
Ән салып, би билекке.
Қоштасқалы отыр екен
Сүйікті кітап Әліппемен.
Мұғалім: Құрметті ата-аналар, ұстаздар, оқушылар! Бүгін біздің қуанышымызға шек жоқ. Бүгін сіздер 1- сынып оқушыларының «Әліппемен қоштасу» ертеңгілігіне келіп отырсыздар.
Әліппені бітірді балаларым,
Әліппеден нәр алған даналарым.
Өзі оқып жазатын хәлге жетті.
Құтты болсын білімі балалардың, Ал ендігі кезекті оқушыларға берейік.
АЙБЫН Қош келіпсіз, ақ жаулықты аналар,
Жүздеріңнен мейірім мен нұр тамар.
Алдарында қызғалдақтай құлпырған,
Біз алаңсыз балғын шақты балалар.
М. АКЕРКЕ Көз салып қараңызшы бойымызға
Ортақ боп бүгінгі өскен ойымызға.
Хош келіпсіз, ұстаздар, ата-аналар,
Әліппемен қоштасу тойымызға.
ӘН : Біз өмірдің гүліміз (НҰРАСЫЛ, НҰРАЙ, АЙГЕРИМ, АНЕЛЬ,ДИАР)
Мұғалім: Өсті міне бойларың,
Өсті ақыл - ойларың.
Қуанышқа ортақпын,
Құтты болсын тойларың!
-Балалар мен сендерге сұрақ қоюдан бастаймын. Сендер оған жауап айтыңдаршы. Іші толы әріпке, Білімдегі жарық не?
Хормен: Болашаққа жол ашқан, Ол сүйікті Әліппе!
Мұғалім: -Олай болса, бәрімізге ең қымбат Әліппені ортаға шақырайық.
Хормен: Әліппе,
Әліппе: Менің атым - Әліппе,
Мені анаңдай дәріпте.
Мені оқып ер жеткен,
Ағаң менен әпкең де.
Армысыздар жас достар! Армысыңдар, ата-ана! Болашаққа жол бастар, Әліппең келді ортаға. Мерекеңмен құттықтаймын
Бүлдіршіндер, балғындар!
Не үйреніп, не білдік
Кәне ортаға салайық.
Әліппе: - Осы сендер қандайсындар?
РҮСТЕМ -Талабы биік таудаймыз.
-Мың бұралған бишіміз.
-Біз шеберміз.
АМИНА -Ақылдымыз.
-Үлкенге ізеттіміз, кішіге қамқормыз.
-Көп оқимыз.
Барлығы: Біз - қазақ елінің болашағымыз.

КӨРІНІС: «Оқу керек бәріне »
ҮКІ –БЕКАСЫЛ
ҚОЯНДАР – ҚАЙСАР, МЕДЕТ , АКЕРКЕ
ТҮЛКІ – И. АКЕРКЕ

Мұғалім: Олай болса, біздер әріптер әлеміне саяхатқа шығамыз.

НҰРАСЫЛ Алфавитті жатадық
Онда жүйе, қалып бар,
Біздің қазақ тілінде 42 әріп бар.
ЖАНЕЛ Сан әріпті үйрендік,
Бүгін бізге сеңіндер.
Әріптер әлеміне,
Саяхаттап көріңдер.
А дегенің Айбын менен Алмат деген жігітпіз
Ел қорғайтын, жер қорғайтын
Азаматпыз , батырмыз

А әрпінен есіміміз
Айтсақ сөздің кесімін.
Акеркелер біз боламыз,
Айдай өсіп толамыз.

Ә- Әйгерім, Әмина, Әнел білесіз,
Көңілге бізді түйесіз.
Ә әрпінен басталар
Қазақша айтсақ есімді
Бұны біле жүрерсіз.

Дөңгелене доп келеді,
Оны теуіп Диар келеді.
Мәз боламын шаттана
Д әрпі бар атымда.

Ж дегенің – Жанел, Жулай
Жайнайықшы күн мен айдай.
Жақсы оқимыз сабақты
Сақтаймыз әркез тәртіпті

Нарғыз деген есімді,
Білдіңіздер кесімді.
З әрпі бар ішінде,
Тыңдасаныз шешімді.

Нұрай менен Нұрасыл ,
Н әрпінен басталған
Күншуақтай нұр шашқан
Біз бақытты баламыз

Рүстем деген мен едім,
Алам білім тереңін,
Р әрпінен есімім,
Өскенде ерррр жігіт боламын.

Б дегенің Бекасылым дегенің
Барлық бала, барлық ана
Болсын аман дегенім

Е дегенің Еламан
Елім аман болсын деп
Атымды қойды Еламан

Мен –Мейрамбек, мен- Медет
Атымыз М дан басталған
Мектеп, мама деген сөз
Бізге мейір сыйлаған
Қайтпас Қайсар мен едім
Қ әрпінен басталған
Қазақстан деген сөз
Ол да осы әріптен басталған

Хормен: Енді біз жаза аламыз,
Әріпті қосып әріпке,
Риза боп саған жүреміз,
Сүйікті біздің Әліппе.

Мұғалім: - Балалар, Әліппе сендерді оқуға, жазуға үйретті. Сол үшін Әліппе достарыңа не айту керек?
Хормен: Біздерге білім үйреткен, Әліппе, саған рахмет.
ХОР Ән «ҚАЗАҚСТАН ЖАЛАУЫ »
Әліппе: -Балалар! Сендер менімен ғана достасып қана қойған жоқсыңдар. Сонымен бірге қандай негізгі пәндерді оқыдыңдар?
Оқушылар: Математика, дүниетану, ән сабағы, бейнелеу өнері, еңбекке баулу.
Әліппе: Ретімен тізбелі
Әрбір санды даралап,
Қайсың барсың бізге енді
Айтып берер санамақ?

НАРҒЫЗ 1 дегенім- бесік, Шықтың содан өсіп.
2 дегенім – елім, Далам, тауым, көгім.
ҚАЙСАР 3 дегенім – үміт, Үміт артар жігіт.
4 дегенім – төзім, Төзе білем өзім.
АЙГЕРІМ 5 дегенім – бақыт, Бағалайтын бақыт.
6 дегенім – ақыл, Тыңдағаның мақұл.
АНЕЛЬ 7 дегенім – жалау, Жүректегі алау.
8 дегенім – сөзің, Серт беретін кезің.
БЕКАСЫЛ 9 дегенім – тоқтау, Елдің жоғын жоқтау.
10 дегенім – Отан, Қорға соны, ботам.

Әліппенің тапсырмалары.
1.ҚАЗАҚ ТІЛІНДЕ НЕШЕ ӘРІП БАР? (42)
2.Қандай дауысты дыбыстар бар? (А-ә, о-ө, ұ-ү, ы-і , е, и, у, я, ю, э)
3.Сөйлемдегі бірінші әріпті қалай жазамыз? ( бас әріппен)
4.Қазақстан деген сөзде неше буын бар? (3 буын бар)
5.Сендер тұратын ауыл қалай аталады? (Қарабалық)
6.Жылдың неше мезгілі бар? ( 4 күз, қыс, көктем, жаз)
7.Күндіз бәрі қашады, түнде аспанды басады. ( Жұлдыздар)
8.Қардай аппақ, балдай тәтті (қант)

АТА-АНАЛАРҒА ТАПСЫРМА
1.СЫЛДЫР ҚАҒЫП, ТАУДАН ҚҰЛАП, ЖАТЫР АҒЫП, МӨЛДІР ....(БҰЛАҚ)
2.ӨЗІНШЕ НОЯН, ҚОРҚАҚ .... (ҚОЯН)
3. ТҰМСЫҒЫМЕН ОЯДЫ,
ҰЯ ЖАСАП ҚОЯДЫ.
ТАБЫҢДАРШЫ БАЛАЛАР,
ОЛ ҚАНДАЙ ҚҰС БОЛАДЫ? ( ТОҚЫЛДАҚ)

НҰРАЙ Әліппені бітірдім,
Жаза аламын атымды.
Әліппені бітіріп,
Бала болдым ақылды.
ЕЛАМАН Қош бол,құтты Әліппем!
Қош бол,құтты Әліппем!
Көп нәрсені үйреттің.
Таныстырдың әріппен,
МЕДЕТ Әліппемен қош айтысып қаламыз
Енді қолға Ана тілін аламыз.
Ата –ана қуанышқа ортақ бол,
Сауатты боп шықты міне балаңыз!

Әліппе: Балалар, рахмет сендерге.
Енді қолға Ана тілін аламыз.
Ата –ана қуанышқа ортақ бол,
Сауатты боп шықты міне балаңыз!
Әліппе: Балалар, рахмет сендерге.

ЖАНЕЛ, МЕЙРАМБЕК Ән «МЕКТЕБІМ , АЯУЛЫ МЕКТЕБІМ»

ЖУЛАЙ Баланың да тірегі,
Дананың да тірегі.
Шаншылмасын ешқашан,
Аналардың жүрегі.
АКЕРКЕ Ақыл құйған санама,
Күннен де артық расында.
Күн-алыста, ал анам,
Ылғи менің қасымда.
Мұғалім: - Бізді осындай күнге жеткізіп, бірге қуанып, бірге ренжіп жүрген аналар мен әкелеріміз, аталар мен әжелерімізге мың алғыс айтамыз. Ендігі ән сіздерге арналады.
ӘН « ҚОШАҚАНЫМ »
РҮСТЕМ, НҰРАЙ, АЛМАТ, ДИАР, ЖУЛАЙ, ЕЛАМАН, ӘМИНА
Әліппе: Енді мен сендермен қоштасайын.
Кір шалмасын беттерін,
Таза болсын оқулық пен дәптерің.
Оқығандарын есте болсың,
Күнделіктерің 5-ке толсын!
МЕЙРАМБЕК Бәрімізді сүйіп өткен,
Балаларға үйреткен.
Әліппе мен ұстазға
Бас иеміз құрметпен.
ХОР Ән « ҮЙРЕТЕДІ БҰЛ МЕКТЕПТЕ !»

Мұғалім: Жүрекке жылы сөзбен тілек айтар Сөз берейік әкелер мен аналарға.
АТА-АНАЛАР ТІЛЕГІ.
Мұғалім: Бүгінгі кеш әр үйдің тойбасы деп саналар,
Балалардың есімі әулеттерге таралар,
Ырым етіп сондықтан, ертеңгілік соңында
Ақ тілекпен шашу шашпақ аналар.

ТОКУШЕВ ДИАС « АСТАНА» ӘНІМЕН

-Уақыттарыңызды бөліп қуашынымызға ортақтасып келгендеріңізге көп рақмет! -Қош сау болыңдар. Қош бол, құтты Әліппем!

Скачать материал

Полный текст материала смотрите в скачиваемом файле.
На странице приведен только фрагмент материала.