«Көңілді информатиктер сайысы"

Күні: 10.02.2016
Сыныбы 9 «А» 9 «Б»
Сабақтың тақырыбы: «Көңілді информатиктер сайысы»
Мақсаты:
– Кәсіби еңбек тәрбиесі бойынша алған білімін пысықтау, информатика тарихынан білімдерін кеңейту, әртүрлі қызықты сұрақтар қою арқылы, оқушылардың білімдерін жетілдіру;
– алгоритмдік ойлау қабілетін, есте сақтау қабілетін, белсенділіктерін, зейіндерін дамыту;
– студенттердің бойында білімге құштарлығын, логикалық ойлауын, ортақ іске деген жауапкершілік сезімдеріне тәрбиелеу.
Дайындық жұмысы:
1. Әр команда өздерін таныстыру үшін атын, эмблемасын және сәлемдесуін алдын-ала дайындайды.
2. Үй тапсырмасы: әзіл-ысқақ көрініс «Компьютерлер әлемі»
Қажетті көрнекіліктер: плакат, видеопроектор, буклет, реферат, футболка, шарлар.
Плакаттар:
1. Ақпараттану күнбе-күн
Өрге басып келеді.
Таппай іздеп жүргенің
Компьютерге енеді.
Интернетке қосылу –
Бір-ақ жұмыс керегі!
2. Компьютер-сенің көмекшің
Қаламың, әрі қағазың!
Керек емес демессің,
Аздаған болса хабарың.
Үйрену керек бәрін де–
Ақпараттық заманың!
Жоспары:
І. Ұйымдастыру.
ІІ. Сайыс кезеңдері:
1. Командалардың таныстыруы
2. Сергіту сәті
3. Капитандар сайысы
4. Білгіштер сайысы
5. Көңілді жас ақындар сайысы
6. Үй тапсырмасы
ІІІ. Қорытындылау
Барысы:
І. Ұйымдастыру.
Мұғалім: Бәріңіз маған қараңдар!
Жарысымызды бастайық.
Алуан түрлі ойларды,
Ортамызға тастайық.
Информатика пәнінен
Көрсетіп біздер батырлық,
Ой толғалық жүйелі,
Таңдайымызға татырлық.
Әділдікпен баға бере сіздерге,
Әділдікпен қара қылды жаруға.
Әділқазы алқаларын сайлайық,
Жүлдегерді таңдап бүгін алуға.
Қазылар алқасымен таныстыру
Бүгінгі «Көңілді информатиктер сайысына» 2 команда қатысады. Сайымыздың 6 кезеңі болады. Командаларға ескерту: егерде кімде-кім сайыстың шартын бұзса және де сұрақтарға уақытынан бұрын жауап берсе, мынадай үшбұрыш беріледі. Ол команданың ұпайы 1 балға кемігенін білдіреді.
1. Командалардың таныстыруы (5 ұпай)
Сайысымыздың шарты бойынша әр команда өздерін таныстырып өтеді: команданың аты, эмблемасы және сәлемдесуі.
2. Сергіту сәті
Әр командаға конверт беріледі. Берілген сөздердің бөліктерінен компьютерге байланысты сөздер құрастыруларыңыз керек. Оған 3 минут уақыт беріледі. Қанша сөз құрастырса, сонша ұпай аласыңдар.
Жауабы: Жү – йе – лі б – лок , с – ка – н – ер , про -це – с – с –
ор , д – рай – в – ер , ви – р – ус , п – рог – ра – м – ма , мо – д – ем
3. Капитандар сайысы
Қазақ, орыс, ағылшынды білсеңіз
30 – ұпай шәкірт саған несібе – дей отырып ойынымыздың 3-ші кезеңін бастаймыз. Ойынның 3-ші кезеңі «Қанша тілді білесің?»
Сайыс шарты бойынша команда капитандары ортаға шығып, жасырылған сұрақтардың жауабын қазақша, орысша, ағылшынша айтады. Жауапты дұрыс орындаған ойыншыға – 30 ұпай, қазақша-орысшасын айтқан капитанға – 20 ұпай, тек қазақшасын айтса онда 10 ұпай беріледі.
1. Windows операциялық жүйе компьютерге жүйтелгеннен кейін экранда пайда болатын бастапқы терезе (жұмыс столы, Рабочий стол, Desktop).
2. Курсордың сол жағындағы символдарды өшіруге арналған перне. (Қайтару пернесі, Клавиша возврата, Backspace)
3. Белгілі бір нәрсе туралы таңбалар мен сигналдар түрінде берілетін мәліметтер тобын не дейміз? (ақпарат, информация, information)
4. Компьютерде берілетін командаларды жарық қаламымен басқаруға негізделген құрылғы (Тышқан, мышь, mouse)
5. Жолдар мен бағандарда реттеліп берілетін ақпарат (кесте, таблица, chart)
4. Білгіштер сайысы
Қарап тұрмай бәйгеге еріңіз,
Шәкірттерге әділ шешім беріңіз.
Жүзден жүйрік мыңнан тұлпар шығарар,
Бәйге-бәйге бәйгелерді көріңіз, – дей отырып Білгіштер сайысын бастаймыз. Берілген қанатты сөздерге информатикадан сәйкес ұғымды анықтау керек. Әр дұрыс жауапқа 1 ұпай.
Қанатты сөздер:
1. «Сенімді бол, бірақ тексер»
а) программада көмекші процедураның және функцияның болуын тексеру;
б) программаның орындалуының нәтижелерін тестілеу;*
в) дискіні тексеру
2. «Жіпсіз байлану»
а) компьютерлік желі
б) компьютер және операциялық жүйе*
в) программа және дискета
3. «Құлыптаулы сандықты тіс ашпаса, тіл ашар»
а) программаны ашу
б) ақпаратты талдау
в) программалау тілдерін білу*
5. Көңілді жас ақындар сайысы (4 ұпай)
Мұғалім: Білімдіден шығады алғыр шешен,
Шешендікпен болған ғой барлық көсем.
Сайра шәкірт, суырыл, шарықташы,
Қалмасын бұл жарыста сенің есең, – демекші «Көңілді жас ақындар» сайысын бастайық. Бұл сайыстың шарты: командаларға 6 сөз беріледі, осы сөздерден өлең құрастырып шығаруларыңыз керек.
Компьютер, керемет, тамсандыру, хабар, адам, алыстан.
Бұған 5 минут уақыт беріледі.