1,2 түзету сыныбы. Тақырыбы: «Ғарышқа саяхат»

Мақсаты:

1.       Балаларға ғарыш туралы түсіндіру, алғашқы ғарышкерлер туралы мәліметтер беру.

2.      Тыныс алуды , артикуляциялық қимыл – қозғалысты жаттығулар арқылы жетілдіру , ұсақ және жалпы моториканы құрастыру және саусақ бояулар арқылы жетілдіру . Қиялдау арқылы ойлауын дамыту. Деңгейлі тапсырмалар арқылы сөздік қорын, байланыстырып сөйлеуін дамыту.  Дыбыстық тапсырмалар арқылы фонематикалық естуін жетілдіру.

3.      Алғашқы ғарышкерлеріміз туралы түсіндіріп Отан сүйгіштікке тәрбиелеу.

Сабақтың көрнекіліктері: сенсорлық бөлме,  зымыранның макеті, топтамалар,  пішінді текшелер, түрлі түсті саусақ бояулары, музыка.

Сабақтың барысы:

1.      Ұйымдастыру кезеңі: (сенсорлық бөлмеге кіргізіп, сабаққа даярлау)

2.      Жаңа сабақ:

-          Балалар, біз бүгін ғарышқа саяхат жасаймыз. Бірақ ғарышкерлердің бірнеше міндеттері бар екен. Егер сол міндеттерді орындасақ біз ғарышта боламыз.

3.      Тыныс алу және артикуляциялық жаттығу.

-          Алдымен ғарышқа ұшар алдында біз терең тыныс алу керекпіз. 

-          Ал айтындаршы ғарышқа немен ұшады?  Зымыранмен

-          Ал ендеше қолдарына зымыранды алып, ғарышқа бірге ұшайық.

1-      Жақын ұшады.

2-      Алыс ұшады.

-          Міне біз ғарышқа да келдік. (сенсорлы бөлме қосылады)

-          Сендер қалай ойлайсыңдар, ғарышкерлер қалай су ішеді – «түтікше», тамақтанады – «астыңғы жақты қозғау»? Тағамдары қандай дәмді екен! – «тәтті тосап».  Ал олар қалай қуанады? – «жымию»(айнаға қарап жаттығуларды орындау)

-          Ал енді сендер нағыз ғарышкерсіңдер? Сендер ғарышта зымыранмен  ұшып бара жатсыңдар.  ал зымыранды сырттарынан қарасаңдар ол неге ұқсайды? Оны қалай жасар едіңдер? (қолдарын жоғары көтеру- зымыран бейнесін жасау)

-          Ал енді жан – жақтарыңа қараңдар? Не көріп тұрсыңдар аспанда?

Ай, жұлдыздар және күн.

-          Олар сендерге тапсырмалар дайындап қойыпты, соларды орындап көрейік.

-          1- жұлдыз: Алғашқы ғарышкерді ата.

-          2- ай:  жер бетінде қандай жыл мезгілі? Сипаттап бер.

-          3-күн: күннің түсі мен пішіні қандай?

«Сиқырлы әріптер мен пішіндер»

-          Сендер енді тағы тапсырманы орындап көріндер.

-          Анель мына сиқырлы әріптерден «ғарышкер » деген сөзді жазады

-          Дамир мен Зульфия сиқырлы пішіндерде зымыранды құрастырады.

Фонематикалық ойын.

-          Осымен ғарышқа саяхатымыз аяқталды. Біз жерге оралдық.  Жер бетінде әр түрлі дыбыстар шығып жатыр гой. Олар ненің дыбыстары екен? Ендеше балалар(дефектологпен бірге) сол дыбыстарды мына саусақ бояулармен бейнелеп көрейік.

-          Мұқият дыбыстарды тыңдаймыз.

-          Мынау ненің дыбысы? (әтеш )

-          Субояқпен салады.

-          Мынау ненің дыбысы? (күшік)

-          Субояқпен салады.

-          Мынау ненің дыбысы? (мысық)

-          Субояқпен салады.

-Балалар,кім айтады?Бұл қандай жануарлар екен?

-Ия,үй жануарлары.

- Ал осылардың қайсысы ғарышқа үшты?

- Әтеш қалай ұшады?

- Жарайсындар балалар,  бүгінгі ғарышқа саяхатымыз сәтті өткен сияқты.