Жазғы саяхат. Сөйлемдегі сөздердің орын тәртібі.

Сабақтың  тақырыбы: Жазғы  саяхат. Сөйлемдегі сөздердің орын тәртібі.

Сабақтың мақсаты: а) білімдік: тақырып бойынша жан-жақты мәлімет бере отырып,

                                      сөйлемдегі сөздердің орын тәртібін  түсіндіру, сауатты сөйлеу   мен 

                                      жазуға   үйрету;

                                      б) дамытушылық: ауызша және жазбаша тілді дамыту,

                                      қызығушылықтарын оятып, танымдық көзқарастарын 

                                      қалыптастыру;                                   

                                      в) тәрбиелік: өз елін, жерін сүюге, мемлекеттік тілді құрметтеуге,      

                                      қоғамдық ортада өзін-өзі ұстауға тәрбиелеу;

Сабақтың  түрі: пысықтау сабағы      

Сабақтың әдісі: түсіндіру, сұрақ-жауап, сөйлесу

Сабақтың көрнекілігі: кітап, сөздік, инт. тақта, суреттер

Пәнаралық   байланыс: орыс тілі

Күтілетін  нәтиже: сөйлемдегі сөздердің орын тәртібін  меңгеру, жазғы  саяхат туралы өз

                                   ойын  айта білу;

Сабақтың барысы:

           І. Ұйымдастыру  бөлімі

- Оқушылармен  амандасу                 - Кезекшінің мәліметі

             ІІ. Үй тапсырмасын  тексеру

«Жазғы еңбек» тақырыбында әңгіме айтуға дайындалу.

             ІІІ. Жаңа сабақ

1 – тапсырма. Көп нүктенің  орнына тиісті дыбысты  қойып оқыңдар.

    Б...з  с...ға түстік. С ...  өт...  ж ... лы  болд ... . Б ... з шөлд...п, шай  ішт ... к.

2 - тапсырма. Сөйлемдерден сөз тіркестерін теріп жазыңдар.

     Жазда мен ағаммен бірге Астанаға бардым. Астананы мен бірінші рет көрдім.

     Астана - үлкен қала. Жазғы Астана өте әдемі екен. Көшелерде неше түрлі гүлдер өсіп тұр. Ағаштары көп, биік. Қаланың қасында өзен бар. Маған Астана өте ұнады.

3 - тапсырма. Диалогты  толықтырып, өзара сөйлесіңдер.

 - Жазда  ауылға  бардың ба?

 - ... .

 - Көл жағасында болдың ба?

 - ... .

 - Ауылдағы  адамдар қандай жұмыстар істеді?

 - ... .

                       Ережемен  жұмыс

     Қазақ тілінде  сөйлемдегі  сөздердің орын тәртібі бар:

 бастауыш сөйлемнің басында, баяндауыш сөйлемнің аяғында тұрады. Мысалы:

Біз жазда  өзенге шомыламыз.

             ІV. Бекіту   бөлімі

Сұрақтар қою арқылы бекіту

             V. Үйге  тапсырма

«Жазғы саяхат» тақырыбына әңгіме жазу.

              VІ. Бағалау бөлімі   

 Сабаққа  қатысы  бойынша  бағалау