Математика "Жас зияткерлер сайысы" 7 сынып

Мақсаты: Білімділік: оқушылардың білімдерін бекіту, математика пәніне қызығушылығын ояту
Тәрбиелілік: оқушыларды жауапкершілікке, ұйымшылдыққа, шапшаңдыққа тәрбиелеу
Дамытушылық: оқушылардың ойлау қабілетін дамыту
Көрнекілігі: интерактивті тақта, үлестірмелік парақшалар
Сайыс бөлімдері
І. Ұйымдастыру кезеңі Таныстыру сәті
ІІ. "Кім тапқыр?”
ІІІ. Тез есептейміз
ІV. Математика мақал-мәтелде
V. Домино ойыны
VІ. Жұмбақтағы математика
VІІ. Математикалық сұрақтар
Сайысқа 5 сыныпта 5 топ қатысады.

Барысы:
І. Ұйымдастыру кезеңі. Оқушылар өз топтарының аттары және ұрандарымен таныстырады.
ІІ. "Кім тапқыр?” кезеңі. Бұл кезеңде адасқан әріптерден математикаға қатысты сөздерді құрастырып айту.
1 топ: Ярметигео, әржеде, даквтра
2 топ: рабпоала, бүыршұш, утедең
3 топ: кібртұыш, преигобал, сбристисаек
4 топ: нрөке, тмеприер, уфцкяин
5 топ: Геабрла, еңшбре, іткибкі
ІІІ. Тез есептейміз. Әр топқа ауызша есептер беріледі, топтар мүдірмей жауап берулері керек. Айтылған ең алғашқы жауап қана қабылданады.
ІV. Математика мақал-мәтелде кезеңінде әр топқа мақал-мәтелдің алғашқы бөлігі айтылады, қатысушылар мақалды жалғастыруы тиіс.
1топ: Бір тал кессең , ....
Бір оқты бұлан көтереді ...
Досыңды үш күн сынама, ...
2 топ: Бір кісі қазған құдықтан,...
Ұлға отыз үйден ....
Дұшпан көзі ...
3 топ: Білгенің бір тоғыз...
Жақсы жігіт он бесінде де жас емес, ...
Елдің күші ...
4 топ: Алтау ала болса, ауыздағы кетеді ....
Ер бір рет өледі ...
Жігіт бір сырлы, ...
5 топ: Мың қайғы, бір борышты ...
Білекті бірді жығады, ...
Бір елі ауызға, ...

V. Домино ойыны. Бұл кезеңде әр топқа әртүрлі конверттер беріледі. Сол конверттің ішіндегі қиынды сөздерден математикағы қатысты анықтама шығаруы және артық бір сөзді алып тастауы керек.
VІ. Жұмбақтағы математика кезеңі әр топқа математикалық бір жұмбақ қойылады, жауабын топтар табуы тиіс.
1топ. Алды –артымыз шексізде
Жете алмайсыз біздерге
Сәуле менен кесінді
шыққан тегін білсін бе? (түзу)

2 топ. Сапырып-сапырып Сарманға бер,
Құйып-құйып Құрманға бер,
Есіктегі екеуге бер,
Төрдегі төртеуге бер
Өзің іш те маған бер деген екен.
Мұны естіген ұрылар –
«Қой мұнымыз болмас.
Бұл үй толы кісі болды,
әрі бізден екі есе артық екен,
кетейік»-деп кетіп қалыпты.
Кемпір тапқырлығымен
ұрылардан осылай аман қалыпты.
Сонда үйдегі адам нешеу, ұры қанша? (10 адам, 5 ұры )

3 топ. Нәрселерді санағанда
Керек бізге ауадай
Айтыңдаршы бұл қандай сан
Жан-жағына қарамай (натурал)

4 топ. Түйе, бота маң басқан,
Төрт аяғын тең басқан.
Шұнақ құлақ бес ешкі
Қос лақты қос ешкі
Төрт қозылы екі қой
Бәрін білсең санап қой. (17)

5 топ. Көкқұтанша ақ айдында,
Бір аяқпен тұрады.
Тұмсығымен ол мұнда,
Шыр айналып шығады (циркуль)

VІІ. Математикалық сұрақтар. Бұл кезеңде әр топқа 8 сұрақтан қойылады. Егер сұрақ қойған топ оқушылары білмесе, басқа топ оқушылары жауап беруге болады.
1-топқа:
• 1. Қандай санның кез-келген дәрежесі сол санның өзіне тең?
• 2. 2 мен 3-тің арасына қандай таңба қойғанда 2-ден үлкен, 3-тен кіші сан шығады?
• 3. Үстел беті төртбұрышты, оның бір бұрышын арамен кесіп алсақ, неше бұрыш қалады?
• 4. Екі өрнектің қосындысының квадраты?
• 5. Ең кіші үш таңбалы сан.
6. Қабырғалары тең тік төртбұрыш.
7. 5- тің кубы?
8. Түзу дегеніміз не?
2-топқа:
1. Санның ең үлкен бөлгіші неге тең?
2. 2 - ге бөлінбейтін сандар не деп аталады?
3. Қандай сандар 5 - ке бөлінеді?
4. Екі өрнектің квадраттарының айырымының формуласы?
5. 3-тің кубы?
6. Графигі парабола болатын функция?
7. Неше цифр бар?
8. Кез келген натурал санның бөлгіші?
3 –топқа:
1. Көпмүше дегеніміз не?
2. Санды қандай санға бөлуге болмайды?
3. 1/ 2 –дің кубы?
4. Шеңбердің екі нүктесін центр арқылы қосатын кесінді?
5. Өзара кері сандардың көбейтіндісі неге тең?
6. Оң санға да теріс санға да жатпайтын сан
7. 9 - ға қарама қарсы сан
8. - 99, 9 бен 1 қайсысы үлкен?
4-топқа:
1. Қандай сан барлық сандарға қалдықсыз бөлінеді?
2. Қарама қарсы сандардың қосындысы неге тең?
3. Шеңбердің нүктесін центрімен қосатын кесінді?
4. | - 10 | мен 1 қайсысы үлкен?
5. Екі санның қатынасы не деп аталады
6. 0 - ден кіші сандар
7. Ең үлкен уақыт өлшемі?
8. Графигі кубтық парабола болатын функция?
5-топқа:
1. Дөңгелекті басқаша қалай атаймыз.
2. Санауда қолданылатын сандар?
3. 2 - ге бөлінетін сандар не деп аталады?
4. Қандай сандар 10 - ға бөлінеді?
5. 0 - ден үлкен сандар
6. Таңбалары әр түрлі сандардың көбейтіндісі
7. Екі өрнектің қосындысының кубы?
8. Ең кіші натурал сан

Сайыс аяқталды. Сөз кезегі әділ қазы алқаларына беріледі.
Марапаттау жүргізіледі.