Математикадан сыныптан тыс шара "Қызықты математика елінде" 6 сынып

Мақсаты:

а)  Оқушылардың ауызша, жазбаша  есептеу  қабілетін  ойын  арқылы  жетілдіру;

ә)  Пәнге  деген  қызығушылықтарын  арттыру, еске  сақтау, жаңғырту  дамыту  арқылы  өз  ойын  жеткізе  білу  дағдысын  дамыту;

б)  Ұқыптылыққа,  байқампаздыққа,  төзімділікке,  тапқырлыққа,  ұйымшылдыққа, еңбектенуге  тәрбиелеу.

Көрнекілігі:  Кестелер, интербелсенді   тақталар.

Әдісі: Сұрақ -жауап, проблемалы  іздеу,  ізденушілік.

Өту  барысы:

I.                   «Рационал  сандарға  амалдар  қолдану»  тарауын  қайталап  пысықтау.

Жаннұр:  (+)+(+), (-)+(-).

Екі  жарты  бір  бүтін

Мен сандарды  қосамын

Өрісім  толар  кеңейіп

Келер санды  тосайын

Қосу амалы керек-ақ

Көбейер  санның  қатары

Бірің,екеу, үшеу  боп

Риза  болып  жатады.

Оң санға  қоссаң  оң санды

Шыға  келер тағы оң сан

Теріске теріс  қосылса

Теріс шығар ол да сан

Қарызың бірақ  көбейер

Ақша келер  шыдасаң.

Жұлдыз: (+)+(-)

Менде қосудың  бір түрі

Бірақ саным көбеймес

Көбімен азы алынар

Оныма ешкім тең келмес

Таңбасы көптің қойылар

Сөзімнің  сыры ұғып ал

Қарама қарсы  қосылса

Нәтиже әркез  ноль  болар

Айтқанымның  жөні  бар.

Анера:  a-b=a+(-b)

Азайту  атым болмаса

Қосу  болдым  шындықта

Әртүрлі санды  азайтсам

Таңбас бірдей сандарды  қосу керек  болады

Осы айтқаным  шындық па?

Бірдей санды азайтсам

Сен шығасың  әй досым

Болса дағы  сұмдықта.

Таңат:    (-)*(-)(+)*(+)

Көбейтемін,көбейемін

Айналам менің  көл көсір

Бірлік  болмай  тірлік  болмас

Айтқаным  сірә  дөп болар

Теріс сандар  көбейтілсе,

Нәтиже тек оң  болар

Оң болғаны  әруақытта  жөн болар

Көбейтілсе  әртүрлі сан

Бірі теріс  бірі  оң

Теріс  болып  қалады  екен

Нәтижесі  ол да жөн.

Көптік таңба 

Молшылықтың белгісі

Көптік  таңба

Тойшылықтың   белгісі.

Нұрбақыт:    (-):(-),(+):(+)

Бөлем  әркез  жақсы менен  жаманды

Бөлем  әокез  хайуан мен  адамды

Бөлем  әркез  жайқалған  әсем  даламнан

Балауса  шөпті  қурай,тікен  сабаннан.

Теріс андар  бөлінсе

Оң сан шығад  жауабы

Әртүрлі  сан  бөлінсе,

Кәне  кім кім  табады?

Теріс  болар  жарайсың

Жансая  тапты  жаңағы

Бөлу амал  әділдіктің  белгісі

Бөлу амал

Сәнділіктің  белгісі.

Саят:  Рационал  сандар  атасы- Q

Бұзылмайтын  қамалдарым

Таласпаңдар  амалдарым

Бәрің  бізге  керексіңдер

Сендер  емес  жандарым

Бірің оң, бірің  теріс  деп

Бөлмейін мен  ендеше

Артық емес  әрқайсысыңды

Таусылмайтын  кен десе

Қосылыңдар,азайтыңдар

Көбейтілде, бөлін де

Бірақ  тағы  ешқашанда

Бір біріңнен  бөлінбе! Деген  екен.

II.                Қысқаша  математикалық  айтыс:

Мөлдір:

Қоямын  бірер  сұрақ  жауап  берші

Жауапты  өлең  сөзбен  өрнектеші

Шын білгіш болсаң егер  Абай

«Жай сан» деп  неге  айтылған  жауап  берші

Жаннұр:

Сен маған  сұрақ  қойдың  қай –қайдағыны

Қайтейін  менде  жауап  табам  дағы

Өзімен  бірге  бөлінген  соң

«Жай  сан» деп  сондықтанда  аталғанды

Байқайын  менде  сенің  біліміңді,

Сұрайын  белгілерін  үш пен  тоғызға,

Айтшы  Шәкәрім

Сараптап  қандай  сандар  бөлінерін.

Мөлдір:

Жауапты  мен  айтайын  сұрақ  қойсаң,

Қосындысын  цифрлар  қатар  тұрған

Аталған  сандарына  бөліп   көрсен

Сол сандар  бөлінеді  байқап  тұрсаң.

III.             Математика  әлеміне  саяхат.

 1.  Ой  арманын  кешеміз,

Ақылды  боп  өсеміз

Мынау  шексіз  әлемнің

Жұмбақ  сырын  шешеміз.

2.  Есеп  атты  кемемен

Шалқар  көлді  кешеміз

Қиындықты  елемей

Есеп  теңдеу  шешеміз.

3.  Бұл әлемге  кіруге

     Талап, білім  керек  қой

     Сол талап та, білім де

     Біздің ойға  керек  қой!