Қазақ әдебиеті 5 сынып. Сабақтың тақырыбы: Жауыздық пен зұлымдықты ізгіліктің жеңіп шығатынына халықтың сенімі. Кейіпкерлер дүниесі.
11.11.2014
6455
0
Акауов Токтар Куанышбаевич
А) Білімділігі: оқушыларға өткен ертегі кейіпкерлерінің іс-әрекеттері туралы түсінік беру; кейіпкерлер дүниесінің ерекшеліктері жайында ұғындыру.
Ә) Тәрбиелігі: көркем әдебиетті сүйіп оқуға тәрбиелеу.
Б) Дамытушылығы:мәнерлеп оқу, түсініп оқу дағдыларын дамыту;
Сабақтың түрі: қайталау сабақ
Сабақтың әдіс-тәсілдері: түсіндіру, іздендіру, сұрақ-жауап, әңгімелесу, мәнерлеп оқыту
Сабақтың көрнекілігі: оқулық
Пәнаралық байланыс: қазақ тілі, тарих, жаратылыстану
Пайдаланылған әдебиет:Ә.Дайыр, Қ.Айтқалиев Қазақ әдебиеті, 5 -сынып, Алматы «Атамұра» 2010ж.
Сабақтың барысы:
1. Ұйымдастыру
2. Үй жұмысын сұрау
3. Сабақты түсіндіру
4. Тапсырмалармен жұмыс
5. Сабақты бекіту
6. Үйге тапсырма беру
7. Бағалау
1. Ұйымдастыру: оқушылармен сәлемдесу, түгендеу.
2. Үй жұмысын сұрау: «Керқұла атты Кендебай» ертегісі бойынша сұрақтар қойылады.
1. «Керқұла атты Кендебай» ертегісінің басты кейіпкері кім? (Кендебай)
2. Кендебайдың әкесінің аты кім? (Қазанғап)
3. Қазанғаптың үйі қай жерде орналасқан? (Қаратаудың ойында, Қарасудың бойында)
4. Кендебайдың шешесі немен айналысқан? (ау тоқып, жамау жамайды)
5. Кендебай қалай өседі? (ай сайын емес, күн сайын өседі. Алты күнде күліп, алпыс күнде жүреді. Алты жылда алып жігіт болады)
6. Кендебай керқұланы қайдан тауып алады? (Қасқыр талап өлтірген биенің қарнын жарып, аман алып қалады)
7. Керқұла қалай өседі? (сағат сайын емес, минут сайын өседі. Алты айдың ішінде алты кез ат болып шығады)
8. Бала мен Кендебайдың кездесуін мазмұнда. (Аң аулап жүріп, қозы бағып жүрген баланы кездестіреді)
9. Қойшы баланың әкесінің аты кім? (Мергенбай)
3. Сабақты сабақ:
«Ойлан тап» ойыны. Үш топтан бір оқушыдан шығады. Бірі – «Ер Төстік», екіншісі –«Аяз би», үшіншісі – «Керқұла атты Кендебай» ертегі кейіпкерлерін дұрыс табуы керек. Кезек-кезек ертегі кейіпкерлері айтылады. Қай топтың ертегісінің кейіпкері айтылса, сол топтың оқушысы бір қадым алдығы шығуы қажет.
Ер Төстік: Ерназар, Төстік,Кенжекей, Шалқұйрық, Құба інген, Бекторы, мыстан кемпір, Бапы хан, Темір хан, Желаяқ, Саққұлақ, Таусоғар, Көлтауысар,Кеще хан, Шойынқұлақ, Күңке.
Аяз би: Мадан хан, қырық уәзір, Жаман, сауысқан, Ақша хан, Зәрлі хан,Уәли бай, Меңді.
Керқұла атты Кендебай: Қазанғап, Кендебай, қойшы бала, Мергенбай, Тасқара, Керқұла, жеті басты дәу.
4.Үлестірме қағазбен жұмыс: Үлестірме қағазда берілген мәтіннен қандай ертегі жайлы айтылып жатқанын және кімнің сөзі екенін табыңдар.
Үлестірме қағаз №1:
- Қолымнан келген жақсылығым – осы, досым. Шойынқұлаққа әлім келмейді. Себебі, оның жаны өзінде болмайды, жанын ол ешкімге білдірмей, өзінен бөлек бір жерде сақтайды, қайтсең де соның жанын тауып ал, жанын таппасаң, құтыла алмайсың, - дейді де, қоштасып кетіп қалады («Ер Төстік», алып қара құс).
Үлестірме қағаз №2
- Мен суға сүңгігенде ақ көбік шықса жақсы болғаны, қуана бер, аман-есен қазанды алып шыққаным. Қызыл көбік көрінсе жаман болғаны, алып шыға алмай, су астында қалып қойғаным, - дейді («Ер Төстік», Шалқұйрық).
Үлестірме қағаз №3
- Тақсыр, айтқаныңыз дұрыс. Біз шөп жаманы деп шеңгелді, құс жаманы деп қырғауылды алып едік. Бірақ жолшыбай әлгі Жаман: «Шөптің жаманы – қара қоға, құстың жаманы – сауысқан» деп, бізге оларды тастатып, қара қоға мен сауысқанды алдырды, - деп жауап берді («Аяз би», қырық уәзір).
Үлестірме қағаз №4
- Менің үйімде пышағым жоқ па, болмаса қазынамда гауһар тасым жоқ па, я тіпті қайрақ таба алмай жүрмін бе? («Аяз би», байдың балалары).
Үлестірме қағаз №5
- Ендеше жылама! Тағы біреуі бар, әне тұр, - деп тұсбақаннан тағы бір сырғаны алып келіп, - Кенжекейімнің сырғасы. Мұны басқа қызымның сырғасына араластырмаймын, ана қыздарым – бір төбе, Кенжекейім бір төбе. Сондықтан Кенжекейімнің сырғасы олардікінен бөлек тұрады, - деп сырғаны қайтадан орнына іліп қойды («Ер Төстік», бәйбіше).
«Ертегілер еліне саяхат» . «Керқұла атты Кендебай» ертегісінен үзінді көрсету.
Бірінші қатар – Кендебай мен баланың диалогі, екінші қатар – хан мен ұлдарының диалогі, үшінші қатар – хан мен Кендебай диалогі.
5.Сабақты бекіту, қорытындылау:
«Менің сүйікті кейіпкерім» атты шағын эссе жазу
6.Үйге тапсырма беру:
Өткен үш ертегі бойынша он сұрақтан тұратын тест құрастырып келу.
7.Бағалау: