Главное меню

  • К списку уроков
Панорамалық сабақ «Сауат ашу сабақтарында функционалдық сауаттылығын қалыптастыру»
20.05.2015 1032 0 Өтеуова Гүлсана Бейбітқызы

1.«Танысу» ойыны
Мақсаты: Топта жұмыс жүргізу үшін жағымды ахуал орнату, қарым - қатынысатың белсенді стилін және кері байланыс немесе алу меңгеру;
- Алдымен танысайық, біз оны былай жасаймыз: дөңгелене отырып, сағат тілі бойынша, кезек - кезек әр қатысушы өз атын және өзінің нақты сүйікті ісін айтады. Екінші ойыншы өзі туралы айтпас бұрын алғашқы адамның сөзін қайталап айтуы керек. Содан кейін өзі туралы айтады. Ал үшінші адам бірінші, екінші адамның айтқанын қайталап, сонан соң өзі жайында хабарлайды. Ойын осылай жалғаса береді.

2.Талқылау:
1. Қай ойыншының есімі, сүйікті ісі сенің есіңде жақсы сақталады?
2. Несімен жақсы сақталады деп ойлайсың?
3. Қай қатысушыны еске түсіруі қиынға соқты?
4. Не үшін қиын болды деп ойлайсың?
5. Қатысушылардың сені есінде сақтай алмауы қалай әсер етті? Және т.б

3."Әріптер сөйлейді"
Мақсаты:Әріптестер кез-келген интерактиік тақтада көрсетілген әріпті таңдап алып, қойылған сұраққа қолдарындағы әріптен басталатын сөзбен жауап беруі тиіс.
Бүгінгі көңіл күйіңіз қандай?
Оқушының пәнге деген қызығушылығын қалай оятасыз?
Сабағыңызда қандай әдіс-тәсілдер қолданасыз?
Үш деңгейлік курсқа барғыңыз келе ме?
Курстан өзіңізге керекті әдіс-тәсілдер ала аламын деп ойлайсыз ба?
Тренингке не мақсатпен келдіңіз?
Тренингкте кездескен сұрақтарға қалай жауап беремін деп ойлайсыз?
Тренингке немен келдіңіз?
Маған айтар ұсынысыңыз...

4.Топқа бөлу: Интерактивтік тақтада көрсетілген алфавиттің әріптері арқылы топқа бөлінеді.Таңдаған әріптер алдын-ала жазылып қояды.
в,б,т,к,а,у
п,р,с,ғ,й,и
з,ж,н,л,е,і
о,ә,ө,ұ,ү,д

5."4 топтың жұмысы"
Сабақтың тақырыбы: Бәйшешек. Жауқазын.
Мақсаты: а) оқушыларда заттың атын білдіретін сөздер туралы ұғымды меңгерту. Гүлдердің қасиеті, мәні туралы әңгімелеп, балалардың эстетикалық сезімдерін қалыптастыру.
ә) оқу мен жазу арқылы ойлау қабілеттерін дамыту. Шапшаң ойын қорыта алуға, ұқыпты жаза білуге дағдыландыру.
б) табиғаттың әсем көрінісін бақылата отырып, жүйелі сөйлеуге, туған жердің табиғатын сүйе білетін құрметпен қарай алатын көзқарасқа тәрбиелеу.
1.«Гүл теру,ұсыну» тренингін ұйымдастыру.
2.Шеңбер жасату.
Өсіп тұрған әр түрлі гүлдерді ұсыну.
3.Не үшін тергенін таңдағанын білу.
4.«Бәйшешек» «Жауқазын»гүлдеріне байланысты айтқан тілектерін тыңдау.
5.«Автор орындығына» келу арқылы өлеңді оқыту
6. «Көктем сәні» тақырыбында рөлдік ойын
7. «Кім жылдам» ойыны.
І топ. Кім? сұрағына жауап беретін сөз айтса, ІІ топ сол сөзді көпше түрге айналдырады.
Сол сияқты ІІІ топ не? Сұрағына жауап беретін сөз айтса, ІҮ топтың оқушылары сөзді тез арада көпше түрге айналдырады.
8. Қорытындылау,үйге тапсырма берілді, "Бағдаршам" арқылы бағаланды.
Бүгінгі сабақ ұнады ма? Не білдік?
Енді, балалар, қолдарымыздағы гүлдерді жинап, көктем гүлдерінен гүлшоғын жинап, жақсы тілектер тілейік, айтайық та, гүлдерді отырғызайық.

6.Кері байланыс:
Критерий арқылы бағалау.

7.Сергіту сәті: Би терапиясы

8.Қысқаша рефлексия. "Мені қызықтырған ........,-
Сонымен функционалдық сауаттылық – адамның сыртқы ортамен қарым-қатынасқа түсе алу қабілеті және сол ортаға барынша тез бейімделе алуы мен қарым-қатынас жасай алу деңгейінің көрсеткіші. Олай болса, функционалдық сауаттылық тұлғаның белгілі бір мәдени ортада өмір сүруі үшін қажетті деп саналатын және оның әлеуметтік қарым-қатынас жасауын қамтамасыз ететін білім, білік, дағдылардың жиынтығынан құралады. Ал кең мағынасында ол тек білік пен білімділік әлеміне барудың жолы ғана емес, ол – ұлттың, елдің немесе жеке адамдар тобының мәдени және әлеуметтік дамуының өлшемі. Осындай сапалық сипаты тұрғысынан қарағанда функционалдық сауаттылық жеке адамды дамытудың тетігі ретінде қолданылады. Сондықтан теория мен практиканың байланыста болуын қамтамасыз ету үшін әрбір пән бойынша берілетін білімнің мазмұны мен көлемін анықтағанда теориялық қағидалардың, заңдылықтар мен ережелердің, яғни ұғымдық-ақпараттық материалдардың бала өмірінде кездесетін түрлі проблемалық мәселелерді шешуге көмегі тиетіндей, бала оны қолдана алатындай практикалық маңызы ескерілуі тиіс. Сондай-ақ оқушылардың оқу материалын тек жаттап қана
алмай, оның мән-мағынасын терең түсінуін қамтамасыз ету міндетті болып саналады.