Главное меню

  • К списку уроков
Қазақ тілі «Жануарлар әлемінде» 3 сынып
27.09.2015 765 84 Ахметова Айгуль Кайратовна

Сабақтың мақсаты:
Білімдік: Көптік жалғауларды қайталау, мінезді білдіретін сын есімді қолдану және орын тәртібін білу. Жануарлар туралы білімдерін нығайту.
Дамытушылық: ауызекі сөйлеу дағдыларын арттыру, сөздік қорын байыту, тілдерін дамыту.
Тәрбиелік: табиғатты қорғауға, өзі жүрген ортада тазалық сақтауға шақыру, оқушыларды бірлікке, татулыққа, түсіністікке баулу.
Көрнекілік: жануарлардың суреттері, жазулар, карточкалар, кестелер.
Оқыту әдісі: қайталау, сұрақ-жауап, әңгімелеу, жазба жұмыс.
Сабақта қолданатын формалар: топтық, жұптық, ұжымдық, жеке
Сабақтың түрі: саяхат, қорытынды сабақ.

Сабақ барысы:
І. Ұйымдастыру кезеңі
Оқушылар шеңбер құрып бір біріне жақсы тілектерді білдіреді. Мұғалім балаларға үш түсті қағаздан жасалған сағаттарды береді. Сол сағаттардың түсі арқылы балалар үш топқа бөлініп отырады.
Балалар топта жұмыс істеу үшін қандай критерияларды қоямыз:
1. Татулық.
2. Түсіністік.
3. Тапсырмаларды уақытында орындау.
4. Бір-бірін әділ бағалау.
ІІ. Үй жұмысын тексеру.
Балалар үстелдерінде жануарлардың суреттері, плакат, түрлі-түсті қарындаштар, фломастерлер, желім жатады. Әр топ спикерлерін таңдайды. Спикерлер топ ішіндегі жұмысына зор назарын аударып, қадағалайды және біргісіп жұмыс істейді.
Тапсырма:
1 топ сурет арасынан құстардың суреттерін таңдап, плакатқа жапсырады қысқа сипаттама жасайды.
2 топ сурет арасынан жабайы аңдардың суреттерін таңдап, плакатқа жапсырады қысқа сипаттама жасайды.
3 топ сурет арасынан үй жануарлардың суреттерін таңдап, плакатқа жапсырады қысқа сипаттама жасайды.
Тірек сұрақтар:
- Бұл қандай жануар?
- Саған қандай жануар ұнады?
- Бұл жануар қайда тіршілік етеді?
- Адамға пайдасы қандай?
Бағалау: топтар орнынан тұрып ұнаған потерлерге стикерлерді іліп бағалайды.
ІІІ. Сабақтың тақырыбымен және мақсаттарымен таныстыру.
 Балалар, бүгін сабақта біз жануарлар әлеміне саяхат жасаймыз, яғни жануарлар түрлері, олар мекендейтін орындары туралы білімдерімізді нығайтып грамматикалық жұмыстар арқылы тақырыпты қайталаймыз, бекітеміз. Дұрыс жауаптарына топтарға фишка беріледі.Балалар, жануарларға нелер жатады?
 Үй жануарлары, жабайы аңдар, құстар, жәндіктер.
 Ал, енді саяхатымызды бастайық.
Үй жануарлары мекені
Тапсырма. Келесі кестені толтырыңдар. Ұнаған төрт түлік малдардың бір төліне синквейн жасаңдар. Тақтаға постерлермен шығып шығарған өлеңдерін шырқайсыңдар.
Не?
Қандай?Қандай? Қандай?
Не істейді? Не істейді?
Не?
Мал Малдың төлі Малдың пірі

Бұл жұмысқа 5 минут беріледі және бірінші топтан бастап жұмыстар тексеріледі.
 Балалар, үй жануарлары бізге қандай пайда береді? Біз оларды қалай күтеміз?
 Бағалау
Сергіту сәті „Сағат„ ойыны балалар берілген сағаттарына әр санына балалардың аттарын жазады да тақтадағы плакатта жазылған қимылдарды жасайды.
1-құшақтау 4-арқасынан қағу 7-көз қысу 10-бас иу
2-сәлем жіберу 5-қолынан алу 8-тілек айту 11-бірге секіру
3-басынан сипау 6-комплимент айту 9-қолын бұлғау 12-сәлемдесу

Жабайы аңдар мекені
Тапсырма. Тақтадағы торшалар ішінен аңдардың атауларын теріп алып үш сөзді жекеше және көпше түрде тәуелдік жалғауларды қосып, дәптерлеріне жазыңдар.
Үлгі: 1ж. қояным қояндарымыз
2ж. қояның қояндарың
қояныңыз қояндарыңыз
3 ж. қояны қояндары


.

- Қандай жабайы аңдарды білесіңдер? Неге оларды жабайы дейді? Адамдар оларды не үшін қорғайды?

Құстар мекені
Тапсырма. Келесі сөздерді байланыстырып дұрыс сөйлем құраңдар.
1. Үй, адамға, жұмыртқа, жүн,құстары, ет, береді.
2. Құстар, құртады, зиянды, жабайы, жәндіктерді.
3. Хабарлайды, туралы, көктем, құстар.
 Құстар қандай екі топқа бөлінеді?
 Жабайы және үй құстары болып бөлінеді.
 Венн диаграмасын толтырыңдар, тақтаға шығып әңгімелеңдер.

 Өте жақсы бүгінгі сабақта біз жануарлар әлеміне саяхат жасап, олар туралы қорытынды жасадық.
 Біз жануарлар үшін не істейміз?
 Бағамыз, күтеміз.
Рефлексия. Оқушылар сабақты смайлдармен бағалайды: күлемсірген – ұнады, мұнайған – ұнамады.
Парақтардағы Блоб ағашы суретіне өздерін бояйды.
V. Үй жұмысы. Деңгейлік тапсырма.

Скачать материал

Полный текст материала смотрите в скачиваемом файле.
На странице приведен только фрагмент материала.