Главное меню

  • К списку уроков
Өзiн-өзi тану «Табиғат ғажаптары» 5 сынып
06.10.2015 1410 144 Амангельдинова Лаура Амангельдиновн

Сабақ мақсаты: Оқушылардың адам өміріндегі табиғаттың маңыздылығын түсіндіру.

1. Білімділік: «Табиғат», «табиғат ғажайыптары» ұғымдарының түсініктерін кеңейту;

2.Дамытушылық: Айнала қоршаған ортамен үйлесімді өмір сүруге, қамқорлық жасауға баулу;
3. Тәрбиелік: Оқушылардың бойындағы сүйіспеншілік сезімдерін оята отырып, қиянат жасамауға тәрбиелеу.

Ресурстар: (Әдістемелік құралдар, кітап, интерктивтік тақта)

Сабақ барысы:

1.    Ұйымдастыру кезеңi.

 

Тыныштық сәтi. 

Баяу  әуен жүріп жатады «Орманға ойша серуен» тыныштық сәті өткізіледі.

 

Сабақ барысын талқылау:

Дәйек сөз.

·         «Қайырымды іс жаса,

·         қайырлы болар әр ісің». (Халық даналығы)

·         1. Табиғатты қалай қорғау керек?

2. Сенің табиғатқа жасаған қайырымды істерің?  

 

1.Әңгiмелеу (сұхбат).

«Бала және інжугүл қоңыраулары» әңгімесі. (В. Сухомлинский)

1 сұрақ: Бала інжугүлге неліктен қызықты?

2 сұрақ: Егер сендердің өмірлеріңде осындай жағдай болса, не істер едіңдер?

3сұрақ: Бала інжугүлді неліктен жұлмады?

 

Мұғалімнен сыйлық: «Табиғат ғажаптары» бейнерөлигін көрсету.

 

2.Шығармашылық жұмыс, топтық жұмыс.

Екі топқа бөленіп жұмбақтардың шешуін табу.

 

1. Бір халық аспанда ұшқан, аяғы жоқ,

Ұстаған қолдарында таяғы жоқ.

Күніне талай жерге кетер кезіп,

Нәрсенің бұл секілді саяғы жоқ. (Бұлт)

 

2. Қолы жоқ, сурет салады,

Тісі жоқ, тістеп алады. (Аяз)

 

3. Қараңғыда жымыңдайды, жанады,

Жарық түссе,бірден сөніп қалады. (Жұлдыз)

4. Сатайын десем ауыр кілем,

Сатпайын десем тәуір кілем (Жер)

 

5. Гүл-гүл жайнап жер, аспан,

Гүрілдейді сайда өзен.

Гүлжазира жарасқан

Гүлдерімен қай кезен? (Көктем)

 

6. Сырылдатады шәйнегн,

Ұнатпаса да жұрт, мейлі.

Тереземіздің әйнегін жуады,

Бірақ сүртпейді. (Жаңбыр)

 

3.Үй тапсырмасы.

Табиғат туралы нақыл сөздер жинау.

 

 

 

4.Топпен ән айту.

Сөзі: Н. Баймұхамедов

Әні:А.Жұбанов

           Ақ көгершін

I шумақ:

Ақ көгершін, көгершін,

Қолғанат құс сен едің.

Бар, кезіп қайт ел үшін,

Кең дүниенің көлемін.

Әділеттің құсы деп,

Көз алмастан жолыңнан.

Бақыт болып қоншы деп,

Ұшырамын қолымнан.


Қайырмасы:

 Ел тілегін алып ұш

 Адамзаттың бағына.

 Қара бұлтты жарып ұш

 Мұхиттың арғы жағына.


II  шумақ:

Сенен көзін алмайды

Ақ ниетті бар адам.

Ақ қанатың талмайды

Әділеттен жаралған.

Тыныш-бейбіт өмірдің

Белгісі боп қанат қақ.

Әлемге ортақ көңілдің

Қайт шыңына қонақтап.

 

 

 

 

 

 

 

 

 

 

 

 

 

 

 

 

 

 

 

 

 

 

5. Соңғы тыныштық сәтi.  

Балалар, бәріміз көзімізді жұмып тыныштық әлеміне енейік. Бүгінгі сабақтан алған жақсы әсерлерімізді есімізге алып, жүрегімізге орналастырайық. Сіздерге көп рахмет!

 

Скачать материал

Полный текст материала смотрите в скачиваемом файле.
На странице приведен только фрагмент материала.