Главное меню

  • К списку уроков
"Жаңа бағыттағы ұстазі" эссе
21.02.2017 242 37 Исина Гульмира Маулитжановна

Солтүстік Қазақстан облысы
Аққайың ауданы, Смирново селосы
«Смирнов № 2 орта мектебі» КММ
Қазақ тілі мен әдебиет пән мұғалімі
Исина Гульмира Маулитжановна

Жаңа бағыттағы ұстаз
Эссе
«Ұстаз… жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын, ешнәрсені ұмытпайтын… алғыр да аңғарымпаз ақыл иесі…, мейлінше шешен, өнер-білімге құштар, аса қанағатшыл жаны асқақ және ар-намысын ардақтайтын, жақындарына да, жат адамдарына да әділ…, жұрттың бәріне… жақсылық пен ізгілік көрсетіп…қорқыныш пен жасқану дегенді білмейтін батыл, ержүрек болуы керек.» деп Әл-Фараби айтқандай ұстаздық және ұстаз тұлғасы қай заманда болмасын маңызды және өзекті болып табылмақ. «Ұстаздық – ұлы іс» деп кемеңгер жазушымыз М. Әуезов айтқандай, бұл ұлы есімге лайық болу үшін заман талабына сай өзгеріп, білімді толықтырып отырып, білім нәрін себетін, адамгершілік дәнін егетін басты тұлға ғана емес – баланы - бағыттаушы, нұсқаушы және үйлестіруші болып табылады. Білім беру саласындағы жаңа бағыт, жаңа бағалау жүйесі, жаңа бағдарлама да ұстаздың рөлін өзгертіп жаңа талаптар қоюда.
Елімізде түбегейлі өзгерістер орын алып отырғанда ана тіліміз бен төл әдебиетімізді одан әрі дамыту – қасиетті парыз. Осындай істі абырой мен үшін мен ұстаздық жолында 10 жылдан астам қызмет етіп келемін. Өзге ұлт өкілдеріне туған тілімді насихаттап, үгіттеп, үйретіп қана қоймай, Сондықтан да ана тіліміз бен туған әдебиетіміздің мерейі үшін қызмет етіп, тілімізді өзіне лайықты шыңына қондыруға үлесімді қоссам деймін. Бұл туған Отан, халық алдындағы, мемлекет алдындағы азаматтық, әрі перзенттік парызымыз деп білемін. Абай атамыз «ұстаздық еткен жалықпас үйретуге балаға» дегендей, білімді, тәртіпті, тәрбиелі, инабатты,жаны таза рухы биік, Отаншыл адамды, тұлғаны қалыптастырып, оны өмірге бейімді етіп, баптайтын адамның өзі де қандай болуы керек, ол кім? Әрине, ол «ұлы» деген сөзбен тіркесіп келетін ұстаз, мұғалім. Елбасымыз Назарбаев Н.Ә «Еліміздің ертеңі бүгінгі жас ұрпақтың тағдыры ұстаздың қолында» -деп атап көрсеткендей, ұрпақтың тағдыры ұстаздың қолында» - деп атап көрсеткендей, ұрпақ тағдыры үшін жауап беру- ұстаз атаулыға үлкен салмақ тастап отыр. Сондықтан біздер ұстаздар, күнделікті өмірдің жай ғана адамы емес, болашақты құрушыларды, адамзаттың сәулетті болашағын жасаушыларды тәрбиелеп отырғанымызды ұмытпауымыз керек.

Скачать материал

Полный текст материала смотрите в скачиваемом файле.
На странице приведен только фрагмент материала.